តើល្ខោនខោលជាអ្វី?

​​

ល្ខោនខោល  ជាទម្រង់សិល្បៈល្ខោនម្យ៉ាងដែលតួរាំសុទ្ធតែប្រុស។  ល្ខោនខោលមានចំណាស់មិនខុសពីរបាំឬល្ខោនក្បាច់បុរាណខ្មែរឡើយ។  ក្រោយអរិយធម័ដ៏មហារុងរឿងអង្គរបានធ្លាក់ចុះល្ខោនស្ទើរតែបាត់បង់ដូចទម្រង់សិល្បៈដទៃទៀតដែរ។  ក្រោយមកគេឃើញល្ខោនខោលនេះចាប់កំណើតឡើងវិញនៅវត្តដំរីសខេត្តបាតើដំបងនិងវត្តស្វាយអណ្តើកស្រុកល្វាឯមខេត្តកណ្តាល។

កាលដើមឡើយល្ខោនខោលសម្តែងតែរឿង  រាមកេរ្តិ៍​  តែក្រោយមកដោយមានប្រជាប្រិយភាពក្នុងចំណោមមហាជនល្ខោននេះក៏សម្តែងរឿងដទៃទៀតដូចជា  រឿងព្រះបាទវេស្សន្តរ  រឿងព្រះសុធនកែវមនោហ៍រា។  ល្ខោននេះច្រើនសម្តែងក្នុងពិធីបុណ្យសាសនានៅតាមវត្តអារាមឬនៅក្នុងព្រះបរមរាជវាំង៕ សូមអរគុណ!