អ្វីទៅជាល្ខោនបាសាក់?

ល្ខោនបាសាក់​​  ជាទម្រងល្ខោនមួយប្រភេទដែលមានដើមកំណើតនៅខេត្តបាសាក់កម្ពុជាក្រោម។  ដើមឡើយល្ខោននេះមានឈ្មោះថា  ល្ខោនទ្រើងឃ្លោក  ព្រោះគេហាត់រៀនតាមក្រោមជើងឃ្លោក។លុះមកដល់ឆ្នាំ  ១៩៣០  ទើបល្ខោនបាសាក់ចូលមករាជធានីភ្នំពេញ  ហើយសម្តែងជាលើកដំបូងនៅទូកប៉ុកចាយ  ( មុខវត្តឧណ្ណាលោម )  ។

ល្ខោននេះសម្តែងរឿងបុរាណដូចជា  ស័ង្ខសិល្ប៍ជ័យ  ព្រះជិនវង្ស ... ។​ ល្ខោននេះច្រើនសម្តែងនៅក្នុងពិធីបុណ្យផ្សេងៗតាមវត្តអារាម  ឬ  តាមស្រុកភូមិ  ។

                          

======>>>>>កំណត់សំគាល់<<<<<======​

កាយវិការក្នុងទម្រង់ល្ខោនបាសាក់មាន  ២បែបគឺ  កាយវិការធម្មតាសម្រាប់រំលេចន័យខ្លឹមសាររបស់ពាក្យសម្តីនិយាយ  ឬ  ច្រៀង  និង  កាយវិការក្បាច់  ( ក្បាច់គុណចិន  និងខ្មែរចំរុះ ) ដែលភាសាបច្ចេកទេសក្នុងទម្រងល្ខោនបាសាក់ហៅថា  ហួន  ៕