ប្រវត្តិមនុស្សស្រីម្នាក់(ព្រះនាងឥន្ទ្រទេវី)ដែលជួយអោយខ្មែររីកចម្រើននៅសម័យ​​ ព្រះបាទជ័យវរ្ម័នទី៧

ព្រះនាងឥន្ទ្រទេវីត្រូវបានព្រះបាទជ័យវរ្ម័នទី៧  សព្វព្រះទ័យហើយរៀបអភិសេកជាអគ្គមហេសីរបស់ព្រះអង្គ។  ព្រះនាងទ្រង់ជំរុញគ្រប់វិស័យសិល្បៈ  អក្សរសាស្ត្រ  វប្បធម័ជាតិអោយមានសន្ទុះរីកចម្រើនជឿនលឿនយ៉ាងខ្លាំងក្លានាសម័យនោះព្រមទាំងបង្កើតអោយមានសាលាបាលីជាន់ខ្ពស់ទៀតផង។  ប្រជារាស្ដ្របានរស់នៅក្នុងសេចក្ដីសុខក្សេមក្សាន្ដចំរើនរុងរឿងក្នុងភាពស្ដុកស្ដម្ភនៃសេដ្ឋកិច្ច និងអរិយធម៌ដ៏ខ្ពង់ខ្ពស់ និងទទួលបាននូវមនុញ្ញផលពីសំណង់សាធារណៈនោះគ្រប់ៗគ្នា។ ព្រះនាងឥន្ទ្រទេវីមានព្រះជន្មរស់នៅតាំងពីសម័យអង្គរ ក៏ប៉ុន្ដែព្រះកិក្ដិនាមរបស់ព្រះនាងនៅតែក្រអូបសុសសាយទល់សម័យបច្ចុប្បន្នហើយនៅក្នុងសម័យសង្គមរាស្ដ្រនិយម វិទ្យាល័យមួយនៅរាជធានីភ្នំពេញ មានកិត្ដិយស ដោយបានប្រសិទ្ធនាមថា “វិទ្យាល័យឥន្ទ្រទេវី” និងជារៀងរាល់ឆ្នាំនាសម័យសង្គមរាស្ដ្រនិយម សមាគមអ្នកនិពន្ធខ្មែរបានបើកការប្រឡងប្រណាំងអក្សរសាស្ដ្រខ្មែរដើម្បីទទួលរង្វាន់ឥន្ទ្រទេវីទៀតផង។

Add caption

ព្រះនាងត្រូវបានព្រះរាជាតែងតាំងជាសកលវិទ្យាធិការនៅសកលវិទ្យាល័យមួយឈ្មោះ  "ទិលកគុត្តរៈ"  ហើយព្រះបានបង្ហាត់ស្ត្រីខ្មែររាជបរិពារអំពីវិជ្ជាខាងព្រះពុទ្ធសាសនានៅក្នុងវត្តមួយឈ្មោះ  "នរេន្ទ្រស្រម"។  ទន្ទឹមនឹងនេះព្រះនាងទ្រង់ព្រះរាជនិពន្ធកាព្យភាសាបាលីសំស្រ្កឹតជាច្រើន។ស្នាព្រះហស្ថរបស់ព្រះនាងត្រូវបានសិល្បៈករនាសម័យនោះចរឹកលើផ្ទាំងថ្មមួយនៅប្រាសាទ  "ភិមានអាកាស"  រួមទាំងអស់រួមមាន១០២វគ្គ។ក្រៅពីអ្រះរាជតែងនពន្ធព្រះនាងតែងមានចិត្តជ្រះថ្លាក្នុងការបំពេញកុសលធម័និងបុណ្យទានផ្សេងតាមព្រះពុទ្ធសាសនា។  ក្នុងកុសលកម្មទាំងនេះគេអាចរាប់បានដូចជាការបង្កើតសារមន្ទីរសង្គ្រោះដែលប្រមូលផ្តំុក្មេងស្រីអនាថា  ការធ្វើអំណោយទាន  ការកសាងបដិមាមួយចំនួននៃរាជវង្ស៕