សម្តេចព្រះសង្ឃរាជ ជួនណាត
សម្តេចព្រះសង្ឃរាជ ជួនណាត ទ្រង់ប្រសូត្រនៅ ថ្ងៃ អង្គារ ១១ រោច ខែ ផល្គុន ឆ្នាំ ថក ឆស័ក ពុទ្ធសករាជ ២៤២៧ ត្រូវនឹង ថ្ងៃទី១១ខែមីនាឆ្នាំ១៨៨៣នៅភូមិកំរៀងសង្កាត់រកាកោះស្រុកគងពិសីខេត្តកំពង់ស្ពឺ។ អាស្រ័យដោយសេចក្តីព្យាយាមមោះមុតរបស់ទ្រង់ការសិក្សារបស់ព្រះអង្គក៏កាន់តែមានការរីកចម្រើនទៅមុខរហូតដល់ក្លាយជាមហាបណ្ឌិតដឹកនាំបរិស័ទនិងជាអ្នកប្រាជ្ញចម្បងផ្នែកអក្សរសាស្ត្រក្នុងព្រះរាជាណាចក្រកម្ពុជា។ស្នាព្រះហស្ថដែលព្រះអង្គបានព្រះរាជនិពន្ធមានដូចជា ៈ-វចនានុក្រម
-កម្ចាយនូបត្ថម្ភកៈ
-គហិបដិបត្តិ
-សាមណេរវិន័យ។
អត្តបទជាច្រើនក្នុងទស្សនាវដ្ដីដូចជា ៈ
-បាដិមោក្ខសង្ខែប
-កាព្យលោកធម័
-ឯកសារដទៃជាច្រើនទៀត។
គ្រឿងឥស្សរិយយសដែលសម្ដេចបានទទួលមានដូចតទៅនេះ គឺ៖
- មេដាយអស្សឫទ្ធិមុនីសារភរណ៍ នៅព.ស.២៤៦១ គ.ស.១៩១៧។
- មេដាយអស្សឫទ្ធិព្រះរាជាណាចក្រកម្ពុជា នៅព.ស.២៤៦៧ គ.ស.១៩៣២។
- មេដាយអស្សឫទ្ធិដំរីមួយលាន និងស្វេតច្ឆត្រ ប្រទេសលាវ នៅព.ស.២៤៧៦ គ.ស.១៩៣២។
- មេដាយសេនានៃបណ្ឌិតសភា សាធារណរដ្ឋបារាំង នៅព.ស.២៤៨១ គ.ស.១៩៣៧។
- មេដាយអស្សឫទ្ធិដឹឡាឡេស្យុងដូណ្ណើរ នៃសាធារណរដ្ឋបារាំង នៅព.ស.២៤៨៦ គ.ស.១៩៤២។
- មេដាយសេនា នៃព្រះរាជាណាចក្រកម្ពុជា នៅព.ស.២៤៨៨ គ.ស.១៩៤៤។
- មេដាយសេនាដឹឡាឡេស្យុងដូណ្ណើរ នៃសាធារណរដ្ឋបារាំង នៅព.ស.២៤៩២ គ.ស.១៩៤៨។
- មេដាយមហាសិរីវឌ្ឍន៍ ព្រះរាជាណាចក្រកម្ពុជា នៅព.ស.២៥០៥ គ.ស.១៩៦២។
- មេដាយមហាសិរីវឌ្ឍសុវត្ថារា នៅព.ស.២៥០៦ គ.ស.១៩៦៣។
- មេដាយជាតូបការ ដែលជាគ្រឿងឥស្សរិយយសធំបំផុត ក្នុងព្រះរាជាណាចក្រកម្ពុជា នៅព.ស.២៥១៣ គ.ស.១៩៦៩។
ដោយព្រះគុណសម្បត្តិនិងព្រះសមត្ថភាពដ៏កំពូលខាងវិស័យអក្សសាស្រ្តហើយទើបសម្ដេចបានឡើងជាបណ្ឌិតក្សរសាស្រ្តនៅ ថ្ងៃទី២៨ ខែឧសភា ឆ្នាំ១៩៦៧។តែជាអកុសលទ្រង់បានសុគត ថ្ងៃទី២៥ ខែកញ្ញ៉ា ឆ្នាំ១៩៦៩ នៅទីក្រុងភ្នំពេញ។
No comments:
Post a Comment